Машыгуу жана туура тамактануу. Ысык-Көлдүн жээгинде олимпиадалык резервдеги адистештирилген балдар жана өспүрүмдөр мектептери (Балдар жана өспүрүмдөр спорт мектеби) жайкы эс алуу лагерлерин өткөрүүдө.
22-июндан 2-июлга чейин жана 2-июлдан 12-июлга чейин “АК ИЛБИРС” адистештирилген олимпиадалык резервдеги балдар-өспүрүмдөр мектебинде жайкы эс алуу лагерлери өткөрүлдү. Ага 203 спортчу катышты. Машыгуу Ысык-Көлдүн Чолпон-Ата шаарындагы «Семетей» пансионатында өттү.
18-июндан 30-июнга чейин Р.Санатбаев атындагы балдар спорт мектебинин «Рахат» пансионатында жайкы эс алуу лагери өткөрүлдү.
Биринчи мезгилде 200 спортчу катышты. Анын ичинен 143 адам грек-рим күрөшүнүн өкүлдөрү болсо, 57 адам майыптар спорту бөлүмүнөн.
Жайкы ден соолукту чыңдоо лагерлеринин экинчи мезгили 13-июлдан 25-июлга чейин созулат. Ага 240 спортчу катышууда. Алардын 40ы БТнын таэквондо бөлүмүнөн.
ОРАБӨСМ СИ «Ден-соолук» пансионатында жайкы эс алуу лагерлерин үч мезгилде өткөрүшөт. Окуу жыйыны 2-июлдан 9-июлга чейин, 9-июлдан 16-июлга чейин, 16-23-июлга чейин өтөт. Ага 76 спортчу катышууда.
19-июндан 28-июнга чейин спорттун теннис, паралимпиада жана физикалык түрлөрү боюнча спорт мектебинин Бостери айылындагы «WRESTLING» пансионатында жайкы эс алуу лагери өттү. Ага 52 адам катышты.
Оор атлетика боюнча спорт мектеби 28-июндан 11-июлга чейин жайкы эс алуу лагеринде болушту. Ага 24 спортчу жана 3 машыктыруучу катышты.
С.Жуманазаров атындагы спорт мектеби Корумду айылындагы «Нептун» пансионатында жайкы ден соолукту чыңдоо лагерин өткөрүүдө. Машыгууга 110 спортчу катышууда.
Ошондой эле 2023-жылдын 20-30-июнь күндөрү Ысык-Көл районунун Бостери айылында “Сальвадор” пансионатынын базасында “Олимп” олимпиадалык резервдин адистештирилген балдар-өспүрүмдөр мектебинин (ОРАБӨСМ) кыз-келиндер күрөшү бөлүмүнүн окуучулары үчүн жайкы ден соолукту чыңдоо лагери өттү. Ден соолукту чыңдоо жыйынына 18 адам катышты.
