"Бишкекжарык" муниципалдык ишканасы Бишкекте көчө жарыктарын орнотуу жана модернизациялоо иштерин улантууда.

Административдик-аймактык реформанын (ААР) алкагында Жибек-Жолу көчөсүнүн жаңы кошулган Лермонтов көчөсүнөн Гаражный көчөсүнө чейинки бөлүгүндө жарыктандырууну толук модернизациялоо жүргүзүлдү. Жаңыланган тилкенин узундугу 3 чакырымды түзөт.

Иштин алкагында чырактар алмаштырылып, кабелдин үзүлүшү оңдолду, ошондой эле жарык берүүчү тирөөчтөр түздөлүп, тегизделди. Эми бул участок расмий түрдө "Бишкекжарык" муниципалдык ишканасынын балансына өткөрүлүп берилди, бул аларга анын абалын үзгүлтүксүз көзөмөлдөөгө жана жарыктандыруу системасынын ишенимдүү иштешин камсыз кылууга мүмкүндүк берет.

Шаарда жарыктандырууну модернизациялоо иштери уланууда - "Бишкекжарык" муниципалдык ишканасы ыңгайлуу жана коопсуз чөйрөнү түзөт!