Борбор калаада мектеп лигасынын дартс боюнча шаардык этабы өттү. Буга чейин командалар райондук этаптарда тандалып чыгып, финалда мыктылар күч сынашты – ар бир райондон бир кыз жана бир бала, жалпы 16 катышуучу чогулду.

Бул турнирди Бишкек шаарынын мэриясынын  дене тарбия жана спорт, туризм жана жаштар менен иштөө боюнча департаменти мектеп окуучуларынын арасында спортту жана сергек жашоо образын жайылтуу максатында уюштуруп келет.

Катышуучулар жөн гана жебе ыргытышпай – оюнда тактыктыгын жана шамдагайлыгын көрсөтүштү. Жеңүүчүлөргө кубоктор, медалдар жана дипломдор тапшырылып, дагы алдыдагы турнирлер үчүн чоң дем болду.

Балдар арасында оюндун жыйынтыгы боюнча:
1-орун – №96 мектеп (Ленин району);
2-орун – №87 мектеп (Свердлов району);
3-орун – №84 мектеп (Ленин району).

Кыздар  арасында:
1-орун – №84 мектеп (Ленин району);
2-орун – №77 мектеп (Ленин району);
3-орун – №87 мектеп (Свердлов району).

Мектеп лигасы боюнча дартс – бул жөн гана мелдеш эмес, пайдалуу жана кызыктуу оюн. Ал координацияны жана тактыкты жакшыртып гана тим болбостон, сабырдуулукка да үйрөтөт.