2025-жылдын 26-апрелинде Адинай паркындагы воркаут аянтчасында Бишкек шаарынын ачык воркаут жана жалпы дене тарбия (ЖДТ) боюнча чемпионаты старт алат.

Спортту сүйгөндөрдү кызыктуу мелдештер күтөт! Катышуучулар өз күчүн, чыдамкайлыгын жана креативдүүлүгүн эки багытта көрсөтө алышат:
— воркаут (фристайл) — ар бир катышуучуга өзүнүн стилин, күчүн жана оригиналдуу элементтерин көрсөтүүгө 1 мүнөт 30 секунд берилет.
— ЖДТ — 1 мүнөт ичинде мүмкүн болушунча көп жолу турникке тартылуу.

Катышуучулар үчүн каттоо ошол эле жерде саат 11:30дан башталат. Катышуу акысыз жана бардык каалоочулар үчүн ачык — даярдык деңгээли маанилүү эмес!

Бул өзүн сынап көрүүгө, турник аянтчасында чеберчиликти  көрсөтүүгө, спорттук атмосферадан кубат алууга жана катышуучуларды колдоого эң сонун мүмкүнчүлүк.

Дата жана убакыт: 26-апрель, каттоо башталышы — саат 11:30.
Өткөрүлүүчү жер: Адинай паркы, воркаут аянтчасы.

Өткөрүп жибербе — жаркын спорттук окуянын бир бөлүгү бол!