2025-жылдын 26-апрелинде Токтогул Сатылганов атындагы Кыргыз улуттук филармониясында “Ачык Бишкек Дельфий оюндары – 2025” аттуу расмий ачылыш аземи өтөт.

Бул жаркын маданий иш-чара Кыргызстан боюнча жаш таланттарды,  музыканттарды, сүрөтчүлөрдү жана аткаруучуларды бириктирет. Оюндар 25-30-апрель күндөрү өтүп, 7 жаштан 25 жашка чейинки таланттуу балдар менен жаштарды чогултат.

Иш-чаранын уюштуруучулары — Бишкек шаарынын мэриясы, Бишкек шаарынын мэриясынын Маданият башкармалыгы жана Кыргыз Республикасынын Дельфий комитети.

Долбоордун максаты — Дельфий оюндарын өнүктүрүү, улуттук маданияттарды сактоо жана даңазалоо, маданияттар аралык диалогду бекемдөө жана жаш искусство өкүлдөрүнүн кесиптик өсүшүнө көмөктөшүү.

“Ачык Бишкек Дельфий оюндары – 2025” — бул өзүнүн чыгармачылыгын көрсөтүү, маданияттагы жаңы ысымдарды табуу жана эл аралык маданий алакаларды түзүү үчүн платформа.