Октябрь районунда акимдин орун басары С.А.Садыкованын жетекчилиги астында Октябрь райондук билим берүү башкармалыгынын башчысы Н.О. Байгулов жана мектеп директорлорунун катышуусунда жыйын өттү.

Кеңешменин жүрүшүндө өспүрүмдөр арасындагы укук бузуулардын алдын алууну күчөтүү, май айында окуучулардын тоого массалык баруусуна тыюу салуу, ошондой эле жайкы эс алуу, бүтүрүү иш-чараларын уюштуруу үчүн ата-энелерден акча чогултууга жол бербөө, мугалимдерге белек берүү, жайларды ижарага алуу жана окуу процессинде каралбаган башка муктаждыктар талкууланды.

Өзгөчө кырдаалдардын, кырсыктардын алдын алуу жана балдардын коопсуздугун камсыз кылуу максатында массалык барууларды (экскурсияларды, жүрүштөрдү ж.б.) өткөрүүгө катуу тыюу салынары баса белгиленди.

Кеңешменин жүрүшүндө мектеп окуучулары жана алардын үй-бүлөлөрү катышкан телефон жана интернет алдамчылыктарына байланыштуу акыркы окуялар айтылды. Буга байланыштуу бардык билим берүү мекемелеринде окуучулар жана мугалимдер менен түшүндүрүү иштерин уюштуруу жана башка актуалдуу маселелер тапшырылды.  

Кеңешменин жыйынтыгында райондук билим берүү башкармалыгына жана мектеп директорлоруна тиешелүү тапшырмалар берилди.