Бишкек шаарынын мэриясы Кыргыз Республикасынын Президентинин иш башкармалыгынын колдоосу менен «Үмүт үйү» улгайган жана майыптыгы бар адамдар үчүн социалдык-стационардык мекемесинин жашоочулары үчүн кооз «Ала-Арча» улуттук эс алуу жайында таза абада унутулгус күн уюштурулду.

Катышуучуларды ыңгайлуу жана коопсуз жеткирүү үчүн үч автобус бөлүнүп, мекеменин кызматкерлери, медициналык кызматкерлер жана укук коргоо органдары тарабынан кайгуул коштоосу камсыздалды.

«Үмүт үйүнүн» жашоочулары жаратылышта убакытты кубаныч менен өткөрүп, тоо абасынан, сейилдөөдөн жана жан дүйнөсүнө жакын адамдар менен баарлашуудан ырахат алышты.

Бул көптөгөн позитивдүү эмоцияларды, кубанычты жана жаңы таасирлерди тартуулаган жаркын окуя болду. Сапардын аягында камкордукка алынгандар иш-чараны уюштурууга катышкан бардык адамдарга көрсөткөн камкордугу, көңүл бургандыгы жана өздөрүн коомдун бир бөлүгү катары сезүүгө мүмкүнчүлүк бергендиги үчүн ыраазычылык билдиришти.

Бүгүнкү күндө «Үмүт үйү» социалдык стационардык мекемесинде 210 адам жашайт.