№29 орто мектепте жалпы орто билими тууралуу аттестаттарды мыйзамсыз берүү боюнча мектеп администрациясы тарабынан   мыйзамсыз аракеттердин фактылары аныкталган.

Тактап айтканда, 11-класстын 4 окуучусу окуу жылында иш жүзүндө сабакка катышпаганы аныкталган. Бул окуучулардын өздүк делолору жок болгон, бул иш кагаздарын жүргүзүү боюнча талаптардын бузулгандыгын тастыктайт.

Бул окуучулар электрондук журналга катталбай, бирок  «Күбөлүк» деген белги менен «Экстернат» системасына киргизилген, экстернат түрүндө окуганын тастыктаган тиешелүү документтери да  жок болгон.

Белгиленген жагдайларга байланыштуу билим берүү департаменти кырдаалга укуктук баа берүү үчүн тиешелүү укук коргоо органдарына кат жөнөткөн.

Кырдаалды иликтөө иштери улантылып, билим берүү тармагындагы ачыктыкты жана мыйзамдардын сакталышын камсыздоо боюнча чаралар көрүлүүдө.