2025-жылдын июнь айынан август айына чейин Ысык-Көлдүн жээгинде Олимпиадалык резервдеги адистештирилген балдар-өспүрүмдөр мектептеринин (ОРАБӨМ) жаш спортчулары үчүн атайын жайкы окуу-машыгуу жана ден соолукту чыңдоо жыйындары өткөрүлдү. Иш-чарага ар кандай спорт түрлөрү боюнча болжол менен 500 спортчу катышты.

Чок-Тал айылында оор атлетика боюнча ОРАБӨМдүн 51 спортчусу үчүн жазгы ден соолукту чыңдоо жыйыны өткөрүлдү.

Бостери айылында «Жеңиш» ОРАБӨМ окуу-машыгуу жана ден соолукту чыңдоо жыйындарын өткөрдү. Иш-чарага мелдештерде мыкты жыйынтык көрсөткөн 11 тарбиялануучу катышты.

«Олимп» ОРАБӨМ төрт бөлүмдүн спортчулары үчүн жыйындарды уюштурду: эркин күрөш (20 адам), дзюдо (16), көркөм гимнастика (19) жана карате-до (20), жалпы 75 спортчу.

Шахмат боюнча ОРАБӨМ «Алтын Балалык» ден соолукту чыңдоо борборунда 20 окуучу үчүн окуу-машыгуу турнирлерин өткөрдү. Жыйындарды 3 машыктыруучу жетектеди.

Теннис, паралимпиада жана спорттун күч түрлөрү боюнча ОРАБӨМдүн жыйындары Бостери айылында эки этапта өткөрүлдү: биринчи этапка 21 спортчу, экинчи этапка 30 спортчу катышты.

«Дельфин» ОРАБӨМдүн дзюдо бөлүмү 18 тарбиялануучу үчүн Көл-Төр көлүндө жыйын өткөрдү, ал эми заманбап беш таймаш бөлүмү 14 окуучуну жөнөттү. Жалпысынан 32 спортчу катышты.

ОРАБӨСОМ жайкы жыйындарды Сары-Ойдо  135 тарбиялануучу менен өткөрдү. «Улуттар Лигасы» турнири үчүн 13 спортчу машыктыруучу менен бирге мелдешке чейинки бир апталык окуу-машыгуу жыйынына жөнөтүлдү.

Окуу-машыгуу жыйындарынын программасы боюнча спортчуларга күнүмдүк машыгуулар уюштурулуп, командалык оюндар, ден соолукту чыңдоо процедуралары, теориялык сабактар жана экскурсиялар кирди. Спортчулар жалпы физикалык даярдык, чуркоо жана күнүмдүк көнүгүүлөр менен машыгышты, бул эс алууну интенсивдүү машыгуу менен натыйжалуу айкалыштырууга мүмкүндүк берди.

Иш-чаралардын негизги максаты - эс алууну жана машыгуу процессин айкалыштырып, физикалык даярдыкты жакшыртуу жана спорттук көндүмдөрдү өнүктүрүү.