Жаңы окуу жылынын башталышына карата коомдук транспорттун үзгүлтүксүз иштөөсүн камсыз кылуу максатында, Бишкек шаарынын мэриясынын Транспорт жана жол-транспорттук инфратүзүмдү өнүктүрүү департаментине жана  “Бишкек шаардык транспорту” муниципалдык ишканасына төмөнкү тапшырмалар берилди:

- коомдук транспорттун туруктуу иштөөсүн камсыз кылуу, каттамдардын белгиленген аралыгын жана жолго чыгуусун так сактоо;
- коомдук транспорттун билим берүү мекемелерине өткөн каттамдарын  жарыялоо;
- автобус айдоочуларына жол кыймылынын эрежелерин сактоо боюнча үзгүлтүксүз нускама өткөрүү.

Бишкек шаары боюнча ИИББ Патрулдук милиция башкармалыгына,  өзгөчө, кыймыл көп  убакта жол кыймылын жөнгө салуу иштерин күчөтүү тапшырылды.

Эскерте кетсек, борбор калаанын тургундары жана коноктору коомдук транспорт менен жүрүү жолдорун оңой пландаш үчүн «Менин шаарым» мобилдик тиркемесин пайдалана алышат.