Кыргыз Республикасынын Эгемендүүлүк күнүн утурлай борбор калаанын муниципалитетинин жыйындар залында мэриянын кызматкерлерин салтанаттуу сыйлоо аземи өттү.

Ак ниет жана үзүрлүү эмгеги,  кесипкөйлүгү үчүн Бишкек шаарынын мэриясынын түзүмдүк жана аймактык бөлүмдөрүнүн кызматкерлери ыраазычылык кат жана Ардак грамоталар менен сыйланышты. Ошондой эле Бишкек шаарынын мэриясынын кол сааты-баалуу белектери тапшырылды.

Шаар мэри Айбек Джунушалиев келе жаткан майрамы менен куттуктап, ар бир кызматкердин борбор калаанын өнүгүшүнө кошкон салымы үчүн ыраазычылык билдирди.