Борбор калаанын мэриясынын жыйындар залында мэрдин биринчи орун басары Кубанычбек Иманалиевдин төрагалыгы алдында шаарды көрктөндүрүү, санитардык тазалоо жана жашылдандыруу боюнча эки айлык ишембиликти өткөрүүгө арналган пландуу жыйын болуп өттү.
Эки айлык башталгандан тартып аймактарды комплекстүү тазалоого, жашылдандырууга жана шаарды көрктөндүрүүгө өзгөчө көңүл бурулууда. Иш-чаралардын алкагында шаар боюнча бардык райондордо дарактарды массалык түрдө отургузуу жүргүзүлүүдө.
Төрт административдик райондун башчыларына Бишкек мэриясынын Муниципалдык инспекциясы менен биргеликте көчөлөрдөгү тартипти жана тазалыкты сактоо үчүн үзгүлтүксүз рейддерди жана мониторинг жүргүзүү тапшырмасы берилди.
Мындан тышкары, имараттардын фасаддарын борбор калаанын дизайн-кодуна ылайык талапка келтирүү милдети коюлду.
Ошондой эле муниципалитет мамлекеттик органдардын ишембиликтерге катышуусун көзөмөлгө алып, бекитилген аймактардагы иштердин аткарылышын текшерет.
Жыйындын жыйынтыгында бардык иштердин аткарылышына көзөмөлдү күчөтүү жана тургундарды шаарды көрктөндүрүү ишине активдүү тартуу тапшырмасы берилди.
Бишкек мэриясы шаар тургундарын эки айлык иш-чарага активдүү катышууга чакырып, баарыбыз биргеликте таза, жашыл жана көрктүү шаарды түзүүгө чакырат.
