Бишкек шаарында «Spring Grand Prix “VICTORIA”» аттуу эл аралык бий чемпионаты өтүп, ар кайсы өлкөлөрдөн келген таланттуу жамааттарды жана аткаруучуларды бириктирди. Калыстар тобунун курамына Казакстан, Өзбекстан жана Кыргызстандын хореография тармагындагы тажрыйбалуу адистери кирди.

М. Баетов атындагы №3 Балдар искусство мектебинин «Ийгилик» ансамбли  Эпп Полина Якуповнанын жетекчилиги алдында бул престиждүү сынакта татыктуу катышып, жогорку деңгээлдеги аткаруучулук чеберчилигин, артистик өнөрүн  жана сахна маданиятын көрсөттү.

Чемпионаттын жыйынтыгында ансамбль эки жогорку сыйлык — Гран-при менен сыйланды. Бул жетишкендик жетекчинин кесипкөйлүгүн жана окуучулардын тынымсыз эмгегин айкын далилдейт.

«Ийгилик» ансамблинин жогорку көрсөткүчтөрү балдар жана өспүрүмдөрдүн хореографиялык искусствосун өнүктүрүүгө чоң салым кошуп,  маданий потенциалын эл аралык деңгээлде татыктуу таанытууда.