2026-жылдын 10–11-апрелинде Бишкек шаарында Ш. Сыдыков атындагы Республикалык спорт колледжинин стадионунда С. Джуманазаров атындагы ОРАБӨМ тарабынан жеңил атлетика боюнча ачык биринчилик өткөрүлдү.

Мелдешке 2007–2010, 2011–2012-жылдары туулган жана 2013-жылы туулган жана андан кичүү жаш спортчулар катышты. Жалпы 254 спортчу күч сынашса, алардын 117си С. Джуманазаров атындагы ОРАБӨМдүн тарбиялануучулары болду.

Мелдештин программасына ар кандай аралыктагы чуркоо, 4×100 метрлик эстафета, тоскоолдуктар аркылуу чуркоо жана узундукка секирүү кирди.

Биринчи орун үчүн таймашка Чүй облусунан (Кант, Токмок, Кара-Балта шаарлары, Москва жана Аламүдүн райондору), Ош облусунан (Ноокат району), ошондой эле Манас, Ош, Нарын шаарларынан, Ысык-Ата жана Нарын райондорунан келген спортчулар катышты. Мындан тышкары, Бишкек шаарындагы спорт мектептеринин, «Ынтымак» ОРАБӨМ жана Республикалык спорт колледжинин командалары да күч сынашты.

Жыйынтыгында С. Джуманазаров атындагы ОРАБӨМдүн тарбиялануучулары жогорку көрсөткүчтөрдү көрсөтүп, ар түрдүү дисциплиналар боюнча бир катар байгелүү орундарды ээлешти.

Өзгөчө айырмаланган спортчулар:
* Замирова Бермет — 1-орун (100 м, 200 м чуркоо);
* Ширинов Элчин — 1-орун (100 м, 200 м чуркоо);
* Бейшеналиева Аяна — 1-орун (800 м чуркоо);
* Мамытбеков Бообек — 1-орун (3000 м чуркоо);
* Минадирова Валерия — 1-орун (600 м, 1000 м чуркоо);
* Жээнбеков Амир — 1-орун (60 м, 150 м чуркоо);
* Ашимова Эрика — 1-орун (150 м, 300 м чуркоо);
* Бондарев Андрей — 1-орун (300 м чуркоо);
* Бугаева Аделина — 1-орун (узундукка секирүү);
* Авезов Алинур — 1-орун (узундукка секирүү).

Мелдештин уюштуруучусу — С. Джуманазаров атындагы ОРАБӨМ.