Бишкек шаарынын мэриясы Фучик көчөсүндөгү жайма базары тууралуу маалыматты тактоо зарыл деп эсептейт.
2026-жылдын 26-апрелинде Бишкек шаарын мэри Айбек Джунушалиев аталган жерге барган.
Тургундар санитардык нормалардын сакталбагандыгына жана бак-дарактарга зыян келтирилгендигине нааразы болушкан.
Бирок, 24.kg маалымат агенттигинин маалыматында мэрдин сөздөрү бурмаланган. Базарды дароо жабуу талкууланган эмес, белгиленген талаптар аткарылбаган учурда гана тиешелүү чараларды көрүү мүмкүнчүлүгү талкууланган.
Учурда жабуу маселеси каралган жок. Бул маселе жаңы Ош базарынын аймагында альтернативдүү соода орундары белгиленген тартипте камсыздалгандан кийин гана көтөрүлөт.
Бишкек шаарынын мэриясы ЖМКларды текшерилген жана так маалыматты колдонууга чакырат.
