Бүгүн, 2026-жылдын 21-майында, Бишкектеги №33 мектепте  жалпы билим берүү мекемелеринин директорлору менен жыйын болуп өттү.

Иш-чарага Бишкек шаарынын мэринин орун басары В.А. Мозгачева, Бишкек шаарынын мэриясынын Билим берүү департаментинин директору Р.И. Мусаева жана Бишкек шаардык прокуратурасынын улук прокурору Г.А. Алымкулова катышты.

Кеңешменин жүрүшүндө «Акыркы коңгуроо» иш-чараларын өткөрүү мезгилинде окуучулардын коопсуздугун камсыз кылуу маселелери каралып, ошондой эле 2025–2026-окуу жылында Бишкек шаарындагы жалпы билим берүү уюмдарына жүргүзүлгөн көзөмөлдүк-методикалык текшерүүлөрдүн жыйынтыктары сунушталды.

Окуу жылынын аяктап жаткан мезгилинде коомдук тартипти сактоо, коопсуздук чараларын күчөтүү, өзгөчө кырдаалдардын алдын алуу жана билим берүү уюмдарынын жетекчилеринин жоопкерчилиги маселелерине өзгөчө көңүл бурулду.

Мындан тышкары, жыйындын катышуучуларына бүтүрүү экзамендерин, чогулуштарды, бүтүрүү аземдерин уюштуруу жана мугалимдерге белектерди сатып алуу үчүн каражат чогултууга катуу тыюу салынганы эскертилди.

Ошондой эле жайкы каникул учурунда балдардын коопсуздугуна, аларды жумушка орноштурууга жана жашы жете электердин кылмыштуулугунун алдын алууга байланыштуу коопсуздук маселелери талкууланды.

Кеңешменин жыйынтыгында мектеп жетекчилерине окуу жылын уюшкандыкта аяктоо, окуучулардын коопсуздугун камсыз кылуу жана колдонуудагы талаптарды жана нормаларды сактоо боюнча тиешелүү тапшырмалар берилди.