Бишкек шаарынын мэриясынын Дене тарбия жана спорт, туризм жана жаштар менен иштөө департаменти «Бишкекти дүйнөгө тааныт – 2026» аттуу шаардык видеороликтер жана туристтик фотокаталогдор сынагын жарыялайт.
Сынакка катышууга арыздар жана конкурстук иштер 2026-жылдын 27-августунан 27-октябрына чейин кабыл алынат.
Катышуучулар Бишкек шаарынын туристтик мүмкүнчүлүктөрүн тарыхы жана архитектурасы, маданий мурасы, улуттук ашканасы, сейил бактары жана коомдук жайлары, спорттук жана жаштар жашоосу, жаратылыш аймактары жана тоо маршруттары аркылуу көрсөтө алышат.
Жеңүүчүлөр сегиз номинация боюнча аныкталат. Ар бир номинацияда биринчи, экинчи же үчүнчү орундарга бөлүнбөстөн, бирден башкы жеңүүчү тандалат.
«Бишкек тууралуу мыкты туристтик видеоролик» номинациясынын башкы байгеси — 200 миң сом.
«Бишкекти эл аралык деңгээлде таанытууга арналган мыкты туристтик фотокаталог» номинациясынын жеңүүчүсүнө 100 миң сом берилет.
Ошондой эле беш атайын тематикалык категория бар, алардын жеңүүчүлөрүнө 20 000 сом жана сертификаттар берилет: "Маданий код жана тарых", "Меймандос Бишкек", "Жашыл шаар жана активдүү эс алуу", "Динамикалык борбор" жана "Даяр туристтик маршрут".
"Көрүүчүлөр сыйлыгы" жеңүүчүсү өзүнчө жарыяланат жана уюштуруучудан атайын сертификат жана эстелик бренддик белек алат.
Арыздарды кабыл алуу мөөнөтү аяктагандан кийин, бардык видеолор Департаменттин расмий платформаларында жарыяланат. Онлайн добуш берүү 20 күндүн ичинде жүргүзүлөт. "Көрүүчүлөр сыйлыгынын" жеңүүчүсү көрүүлөрдүн, жактыруулардын жана комментарийлердин орточо санына жараша аныкталат.
Сынактын катышуучуларынын эмгектери атайын сынак комиссиясы тарабынан бааланат.
Кыргыстан Республикасынын жарандары, ошондой эле Бишкекте жашаган, окуган же иштеген чет элдик жарандар жана жарандыгы жок адамдар катышууга чакырылат. Сиз жекече же беш адамга чейинки чыгармачыл топтун курамында катыша аласыз.
Видеороликтер кыргыз, орус же англис тилдеринде, MP4 жана MOV форматтарында, Full HD жана андан жогорку сапатта кабыл алынат.
Туристтик фотокаталогдор PDF форматында, кыргыз, орус жана англис тилдеринде даярдалышы керек.
Даяр болгон конкурстук ишти толтурулган арыз менен бирге төмөнкү байланыш маалыматтары аркылуу бир убакта жөнөтүү зарыл:
E-mail: gorsport@meria.kg
Telegram: @mi1ianna — билдирүүнүн темасына «“Бишкекти дүйнөгө тааныт” сынагына» деген белгини коюу керек.
Арыздын формасы: Google Docs — https://docs.google.com/document/d/1N8mlnGIzQDQBRasvGPwIu-2j_n-ORsEz/edit?usp=drivesdk&ouid=100668521583596969083&rtpof=true&sd=true
Сынактын жобосу: Google Docs — https://docs.google.com/document/d/1CLmAqBS09AU8IoNraI1HxFXoBHJMqsiF/edit?usp=drivesdk&ouid=100668521583596969083&rtpof=true&sd=true
