Бүгүн, 31-августта, VI Дүйнөлүк көчмөндөр оюндарынын салтанаттуу ачылыш аземине келген көрүүчүлөр үчүн «Бишкек Аренага» чейин акысыз шаттл-автобустардын каттамы уюштурулду.

Шаттл-автобустар шаардын ар кайсы райондорунда жайгашкан 21 жөнөө пунктунан каттап жатат.

Учурда жүргүнчүлөрдү ташууну уюштуруу жана шаттл-автобустардын үзгүлтүксүз жүрүүсүн камсыз кылуу боюнча иштер уланууда.

Иш-чара аяктагандан кийин акысыз шаттл-автобустар көрүүчүлөрдү  келген жөнөө пункттарына жеткиришет.