Бишкек шаарынын мэриясынын Маданият башкармалыгына караштуу А. Умуралиев атындагы Бишкек шаардык драма театрында 16 жана 17-октябрда саат 19:00дө эл акыны Кыялбек Урманбетовдун чыгармасынын негизинде коюлган «Тактеке» аттуу трагикомикалык притчанын премьерасы болот.
Спектаклдин режиссёру — Айнура Качкынбек кызы, сүрөтчү-постановщиги — Мариам Аблакова, хореографы — Кыргыз Республикасынын эмгек сиңирген маданият кызматкери Сергей Стрельцов, маска боюнча педагог — Иван Дергачев (Москва шаары).
«Тактеке» — жөн гана окуя эмес. Бул ар бир көрүүчү өзүн таап кала турган философиялык притча. Башкы каарман күч менен алсыздыктын, текебердик менен тобонун, кыйроо менен кайра тирилүүнүн ортосунда турат.
Спектаклде байыркы Кожожаш тууралуу эпос менен азыркы доор чебердик менен айкалышат. Бул жерде уламыштар, маскалар жана символдор жанданып, поэтикалык көрүнүштөрдүн артында ар бир адамга жакын суроолор жашырылган:
— Биз жаратылыштан алыстап, эмнени жоготтук?
— Өзүбүз жана дүйнө менен гармонияны кайра таба алабызбы?
Маска театры бул спектаклде жөн гана көркөм ыкма эмес, адам сезимдеринин тирүү тилине айланат. Музыка, кыймыл жана жымжырттык аркылуу актёрлор түбөлүктүү темаларды — адамды, жаратылышты жана жан дүйнөнү айтып беришет.
«Тактеке» — эч кимди кайдыгер калтырбай турган спектакль. Ал терең ойго салат, тамырыңа кайтууга жана ички күчтү издөөгө чакырат.
Өткөрүү жайы: А. Умуралиев атындагы Бишкек шаардык драма театры
Күндөрү: 16 жана 17-октябрь, башталышы — саат 19:00
Байланыш телефондору: 53-04-42, 0 (500) 20-10-67
Дареги: Чүй проспекти, 28
Өнөр менен турмуштун демин, салт менен заманбаптыкты айкалыштырган бул премьераны өткөрүп жибербеңиз. «Тактеке» — көргөндөн кийин жымжырттыкка жана терең ойго жетелеген спектакль.
